Sharl Leklerk ka fituar Çmimin e Madh të Belgjikës, duke arritur njëkohësisht dhe suksesin e parë në karrierë në Formula 1. Piloti nga Monako ka kurorëzuar një garë perfekte, ndonëse vuajti jo pak në xhirot e fundit për shkak të gomave, por gjithsesi arriti ta mbajë pas shpine Hamilton dhe “Mercedes”-in tjetër të Botasit. Në vend të katërt e përfundoi Sebastian Fetel.
Kështu, Leklerk futet në histori si piloti më i ri i “Ferrari”-t, që arrin të fitojë një garë. Ai do të mbushë 22 vjeç më 16 tetor dhe lë pas të gjithë emrat e lavdishëm të së shkuarës, ndërsa tifozët e “Ferrari”-t shpresojnë që skuderia e tyre të rikthehet të dominojë si dukur. Gjithsesi kjo ishte vetëm një garë, Leklerkut i duhet të punojë fort.
Shfaq Komentet (0)